SOCIOS

A Xunta Directiva do Narón Balompé infórmavos de que iniciamos unha nova campaña de captación de socios co fin de aumentar a masa social do noso club.

O slogan elixido polo club, "FAI DE NARÓN A TÚA PAIXÓN ", xira arredor do concepto de sentimento e paixón cara ao noso club. E iso é xusto o que queremos. Cremos que os cidadáns de Narón cada día están máis orgullosos de pertencer e ser parte integrante da súa cidade, e o club Narón Balompé quere ser o vehículo sentimental a través do que expresar ese sentimento de "ser de Narón".

Para iso, desde o club temos a intención de diversificar os servizos ofrecidos aos socios —novos e antigos—, de maneira que poidan acceder a descontos en establecementos da localidade (xa están algúns acordos pechados e estamos en negociación con outros).

Outras medidas adoptadas serán de carácter social, como é facer socios a todos aqueles fillos de socios que nazan durante a próxima temporada —en calidade de socios aspirantes—.

Tamén aumentaremos a presenza do club nas diferentes institucións da cidade co fin de aumentar o sentimento cara ao club, mediante actos como visitas a colexios cos xogadores do noso primeiro equipo e a organización de actos sociais en colaboración con diversas empresas.

Dixitalizamos os carnés de socios para facelos mais cómodos e áxiles.

Creouse e mantense en constante actualización unha páxina web oficial (naronbalompe.es) que está á disposición do socio e abonado ao club de maneira que sexa un instrumento continuo de comunicación entre o club e os seus socios.

Inauguraráronse  os campos de herba artificial de fútbol 11 e fútbol-7 nas instalacións do Cadaval; o que é un salto de calidade importante nas infraestruturas do club e no labor de formación dos nosos nenos.

En definitiva, pretendemos aumentar significativamente a calidade do servizo ofertado aos nosos socios.

E todo cun obxectivo: que a xente de Narón e comarca se sume a un proxecto ilusionante que se chama Narón Balompé.

O PRESIDENTE DO NARÓN BALOMPÉ
Emilio Andrés Gómez Pérez